Хэрэг шалгаж байгаа мөрдөгч “та хохирогч юм чинь өмгөөлөгч авч нэмэлт зардал гаргаад яах юм, прокурор, шүүх асуудлыг чинь шийдчихнэ” гэж хэлээд хүнийг хохирсон дээр нь нэмээд хохироочихсон үйл явдалтай өмгөөлөгч нар бишгүй л таардаг.

Тодруулбал, хохирогч хууль зүйн туслалцаа аваагүйгээс болж өөрт учирсан хохирлыг хэрхэн нэхэмжлэх ёстойг мэдэхгүй, хохиролтой холбоотой нотлох баримтыг хангалттай бүрдүүлж өгөөгүй байхад нь тухайн хэрэг нь шүүхээр эцэслэн шийдвэрлэгдсэн байдаг.

Үүнээс болж хохирогч учирсан хохирлоо бүрэн гаргуулж чадахгүй байдалд хүрэх нь бий. Тэгэхээр хохирогч, холбогдогч хэн ч байсан хуульчаас туслалцаа авч байгаарай.